For over 35 years, the Christian Hope Association has been faithfully serving north Whatcom County communities with a variety of basic human social service needs.

Apostles Creed Study Guide in Melanesian

Leson Long Bilip Bilong Ol Kristen i go long Tok Pisin

Bilip bilong ol Kristen em i no stap long Baibel, tasol em i bungim ol bilip bilong Kristen Sios. Twelvpela toktok long dispela toktok bilong bilip i kamap insait long pas handet yia bihain taim Krais i kam. Dispela toktok em olpela tasol em i isi long lanim, em i naispela na em i tru.

Yu ken stadi ol wanwan toktok isi isi, na olgeta toktok i gat sampela Baibel ves ol wanwan man o meri i ken bihainim dispela leson o yu ken usim taim manmeri ibung long Baibel stadi. We bilong stadim em olsem: ritim nambu 1 na lukim Askim namba 1 na bekim. Bihain ritim namba 2 na lukim askim namba 2 nubekrm. Na i go i go olsem.

I. Mi bilip long God Papa, em i gat olgeta strong, em i as bilong heven na graun olgeta, em yet i putim.

1. Ritim stori bilong taim God i wokim dispela graun olsem em i stap long Stat (Jenesis) sapta 1 na 2.

2. Ritim tok God i givim long ol manmeri bilong Israel olsem em i stap long Aisaia 40:6-31.

3. Ritim olsem wanem God i bekim ol askim bilong Job taim em i dautim God olsem em i stap long Job sapta 38-41.

4. Ritim wanem Kain tingting God i gat long ol husat i no lotvim Em olsem God husat em i as bilong olgeta samting. Ritim Rom 1:18-25.

Ol Askim:

1. Sapos wanpela i gat tingting na bilip olsem pikinini i gat em i inap long bilipim ol tok i stap insait long Buk Jenesis. Bilong wanem sampela manmeri i tok ol i no ken bilipim dispela stori long olsem wanem God i wokim dispela graun. Ritim I Korin 1:18-31.

2. God em i Bikpela, em i gat olgeta strong na pawa. Bilong wanem em i gat tingting long helpim manmeri? Ritim 1 Pita 3:8-10.

3. Stori bilong Job em piksa long we God i trenim yumi long usim traim na trabel Nau sapos laip bilong yu i kamap olsem laip bilong Job, yu mas bihainim wanem kain pasin insait long laip bilong yu? Pasin nogut ? Tingting planti? Askim God "bilong wanem"? planti taim? o Larim God i wokim olsem God i laik. Ritim Job sapta 1 na 2 na chekim Job 2:9-10.

4. Long stori bilong Job, wanem sin Job i bin mekim? Na God i givim wanem tok long Job? Tingim gen Job 38-41.

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

II. Mi bilip long Jisas Krais, em wanpela tasol em i Pikinini tru bilong God. Em i Bikpela bilong yumi.

1. Ritim Luk 1:26-38 we ensel i tokim Maria olsem Jisas bai i kamap. Na ritim Luk 2:1-20 olsem Jisas i kamap man long dispela graun.

2. Ritim olsem wanem Jisas i tokim em yet i God olsem Papa God. Dispela i stap long Jon 20:17, 28, 29.

3. Ritim Rom 8:1-4 long lukim as bilong wanem God i salim Jisas Krais long dispela graun.

4. Ritim Jon 1:1-5 long lukim pasin bilong Jisas i olsem pasin bilong Bikpela God i stap oltaim oltaim.

Ol Askim:

1. Luk long Maika 5:2 na tingting long en. Maika i bin raitim dispela planti handet yia bipo Jisas i bin kamap pikinini bebi olsem i tok long Nupela Testamen.

2. Jisas i bin givim wanem promis long man o meri husat i tanim bel?

3. Bilong wanem Jisas i bin kam long dispela graun? Lukluk gen long Rom 8:3.

4. Jon 1:1-5 i gat wanem tok i soim Jisas Krais i olsem Papa God na tupela i wanpela God tasol?

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

III. Holi Spirit i putim em long bel bilong yangpela meri Maria, na em i karim em.

1. Ritim long Gutnuis bilong Matyu 1:18-25 olsem wanem Maria i karim Jisas Krais long bel bilong em.

2. Ritim Hibru 4:1kamap man long dispela graun.

3. Lukluk long Aisaia 9:6-7 na Aisaia 7:13-14 na skelim tok long Olpela Testamen wantaim stori bilong Jisas i kamap pikinini bebi olsem i stap long Nupela Testamen.

4. Ritim Jut ves 17-23 long lukim wanem kain wok Holi Spirit i mekim insait long laip bilong ol Kristen.

Ol Askim:

1. Pastaim Josep i gat wanem kain tingting taim em i painim aut Maria i gat bel? Na bihain em i mekim wanem? (Matyu 1:18-25)

2. Tingting long ol ves i stap long namba 2 antap. Yu ting wanem taim yu ritim em i hetpris bilong yu no olgeta traim r save kamap long yu i bin kamap long laip bilong em?

3. Bilong wanem dispela tingting bilong Holi Spirit i putim bebi Jisas long bel bilong Maria na Maria i wanpela virgo, bilong wanem em i bikpela samting?

4. Tingting long ol ves long Jut. Kristen i mas mekim wanem nau?

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

IV. Pontias Pailat i tok na i givim pen long em, na ol i nilim em long diwai Kros. Em i dai pinis na ol i planim em, na em i go daun long ples bilong ol daiman.

1. Ritim stori bilong taim ol i kotim na kilim Jisas olsem i stap long Jon sapta 18 na 19.

2. Ritim Matyu 26:52-54 long painim aut bilong wanem Jisas i no bin paitim ol soldia.

3. Ritim Hibru 2:14-17 long kisim save bilong wanem Jisas i mas dai pinis.

4. Ritim Matyu 27:45-46 na Luke 22:39-44 na tingting long pen em i bin karim taim em i stap long diwai kros na Papa God i bin lusim em.

Ol Askim:

1. Pailat i bin painim sin long laip bilong Jisas?Husat i bin mekim bikpela rong na olsem Jisas i karim bikpela hevi?

2. Ritim tu Jon 12:27. Bilong wanem Jisas i kam long dispela graun na dai long diwai kros.

3. Husat i ol pikinini bilong Abraham olsem i tok long Hibru 2:16? Na bilong wanem wanpela i mas i dai pinis?

4. Wanem kain hevi na pen Jisas i bin karim long diwai kros na bilong wanem em i mas wokim olsem?

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

V. Em i kirap bek long matmat long de namba tri.

1. Ritim stori bilong Jisas i kirap bek long matmat olsem em i stap long Jon 20.

2. Ritim long 1 Korin 15 tok Pol i gat long Jisas na arapela manmeri bai i kirap bek.

3. Ritim long Efesus 2:1-7 olsem wanem ol Kristen bai i stap laip gen wantaim Krais.

4. Ritim long Kolosi 3:1-4 wanem kain samting bai yu kisim long taim yu kirap bek.

Ol Askim:

1. Olsem wanem Jisas i bin soim em i gat pawa bilong winim dai?

2. Kristen i ken kisim wanem kain bel isi taim em i tingting long dispela samting bilong kirap bek long matmat.

3. Rong bilong yumi i mekim yumi olsem ol arapela man, na yumi stap olsem ol man i dai pinis. Raitim wanem minin Efesus 2:5 i givim yu.

4. Bilong wanem ol Kristen tasol i gat amamas tru na tru bel isi?

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

VI. Na bihain em i goap long heven. Nau em i sindaun long han sut bilong God Papa i gat olgeta strong.

1. Ritim stori bilong taim Jisas i go antap long heven olsem em i stap long Aposel 1:1-11.

2. Ritim Hibru 9:24-28 nu lukim Krais i stap long heven long helpim yumi.

3. Ritim Hibru 4:14-16 na painim aut bilong wanem yumi i no ken pret na laip bilong yumi i mas kamap olsem wanpela tok tenkyu long God.

4. Ritim 1 Jon 2:1 long kisim save long bilong wanem Jisas i stap long heven wantaim Papa God.

5. Ritim Efesus 2:1-9. Laip i stap oltaim oltaim wantaim Krais em samting bilong marimari bilong God, em i no pe long wok yumi bin mekim.

Ol Askim:

1. Wanem samting em dispela Baptais bilong Holi Spirit Jisas i bin promisim ol disaipel? Lukim tu Aposel 2:1-41.

2. Bilong wanem wanpela ofa em i inap?

3. Bilong wanem yumi i ken save God bai i harim yumi taim yumi beten long Papa God?

4. Bai yumi mekim sin moa taim yumi kamap Kristen?

5. Tingting long Galesia 4:1-7 wantaim Efesus 2:1-9. Dispela tok bai i strongim yu long bihainim wok Jisas i givim yumi long

Matyu 28:19-20 o nogat?

Ol Bekim:

1. _____________________________________________________

_______________________________________________________

2. _____________________________________________________

_______________________________________________________

3. _____________________________________________________

_______________________________________________________

4. _____________________________________________________

_______________________________________________________

5. _____________________________________________________

VII. Bihain Em bai i kam bek bilong mekim kot long ol man i gat laip na long ol daiman.

1. Ritim Filipai sapta 3 long lukim wanem samting em gol belong olgeta Kristen.

2. Ritim Taitus sapta 2 long lukim wanem kain laip Kristen mas i gat taim em i wetim long Jisas i kambek gen.

3. Ritim 1 Tesalonaika 4:13-18 long lukim tok bilong taim Jisas bai i kambek.

4. Luk long sampela tokpiksa bilong Jisas olsem em i stap long Matyu 25.

5. Ritim 2 Tesalonaika 1:3-10 long kisim save long olsem wanem God bai i skelim yumi.

Ol Askim:

1. Wanem kain tingting bai Kristen i gat taim em i ritim Filipai 3:20 na em i painim aut Jisas i wokim dispela graun, em i kisim bek yumi na em i jas?

2. Wanem hop olgeta Kristen i gat?

3. Lukim 1 Tesalonaika 4:13-18 wantaim Revelesen (Kamapim Tok Hait) 1:7 long painim aut olgeta kain tingting bai ol manmeri i gat taim ol i lukim Jisas i kam bek.

4. Wanem kain pasin i mas kamap insait long laip bilong Kristen?

5. Olgeta manmeri i mekim sin na olgeta i mas peim prais bilong dispela sin. Husat i peim prais bilong sin bilong ol Kristen?

Ol Bekim:

1. _____________________________________________________

______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

5. _____________________________________________________

_______________________________________________________

VIII. Mi bilip long Holi Spirit.

1. Ritim Galesia 4:4-7 Holi Spirit i senisim yumi bipo yumi wokboi nating na nau yumi olsem pikinini bilong God.

2. Ritim 2 Korin 1:20-22. Dispela i soim olsem wanem God i helpim ol pikinini bilong Em long sanap strong long bilip bilong ol.

3. Luk long Efesus 1:13-14 long painim wok Holi Spirit i mekim long kamapim bilip insait long yumi.

4. 1 Peter 1:1-2 i soim olsem wanem God i makim ol pikinini bilong Em.

Ol Askim:

1. God i bin kisim bek yumi. Yumi wanem kain manmeri bipo? Yumi wanem kain manmeri nau?

2. Ritim Sam (BukSong) 1 na tingting long dispela wantaim

2 Korin 1:20-22. Wanem samting bai i kamap long taim Holi Spirit i wok insait long laip bilong Kristen?

3. Wanem kain bel isi Holi Spirit i givim yumi nau? Holi Spirit i givim yumi wanem kain bel isi long oltaim oltaim?

4. Ritim Rom 8:18-27. Holi Spirit i wok olsem wanem insait long laip bilong olgeta husat God i bin makim?

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

IX. Mi bilip long Holi Kristen Sios. Mi bilip long olgeta Kristen i wanbel tru.

1. Ritim Stat (Jenesis) 26:1-6 long lukim tok profet bilong sios. Pikinini bilong God bai i stap insait long olgeta kantri.

2. Lukim Aposel sapta 10. Dispela i soim Jisas Krais em Bikpela. Dispela i soim tu Kingdam bilong God em i no samting bilong Judaman tasol.

3. Ritim 1 Korin 12. Em i helpim yumi save sios bilong Jisas Krais i wanpela bodi tasol i gat planti hap.

4. Ritim Efesus 4:1-16 long lainim olsem wanem bodi bilong Krais i gro na kamap strong taim pasin bilong givim bel i stap.

Ol Askim:

1. Long Olpela Testamen husat i kamap ol manmeri bilong God?

2. Olsem wanem yu ken lukim tok profet bilong Stat 26:4 i Kamap tru long Aposel sapta 10?

3. Olsem wanem yumi mas usim ol presen bilong Holi Spirit long helpim ol Kristen i ken stap amamas na wanbel?

4. Bilong wanem ol Kristen i mas stap wanbel long taim ol i traim givim pres long God?

Ol Bekim:

1. _____________________________________________________

_______________________________________________________

2. _____________________________________________________

_______________________________________________________

3. _____________________________________________________

_______________________________________________________

4. _____________________________________________________

_______________________________________________________

5. _____________________________________________________

X. Mi bilip long God i save tekewe olgeta sin bilong yumi.

1. Ritim 1 Jon 1-7 na I Jon 2:1-2 long lainim wanem samting bai i kamap taim Kristen i mekim sin.

2. Rom 7:21-25 i gat tok olsem Kristen tu i mas paitim sin o sin bai i kamap insait long laip bilong em.

3. Ritim Rom 3:21-28, Galesia 2:15-16, na Hibru sapta 11. Yumi lainim em marimari bilong God i mekim yumi bilip na God i kolim yumi stretpela man, dispela i no kamap long wok bilong yumi.

4. Ritim Maika 7:18-19 long kisim save long God i gat tingting long we bilong tekewe sin bilong yumi. Em i gat dispela tingting planti handet yia bipo Krais i kam long dispela graun.

Ol Askim:

1. Olsem wanem God i baim bek yumi?

2. Bilong wanem olgeta Kristen i mas askim God long fogivim em olgeto de?

3. Olsem wanem God i bin rausim sin bilong yumi na bin putim long Krais taim em i dai long diwai kros?

4. Yu gat wanem kain tingting taim yu lukim tok i stap insait long olpela Testamen i kamap tru insait long Nupela Testamen?

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

XI. Mi bilip long olgeta daiman bai i kirap long matmat.

1. Ritim Luk 16:19-31 na lukim tok Jisas i givim laip i kam bihain taim man i in dai pinis.

2. Ritim Filipai 1:21-24 na lukim tingting Pol i gat long laip na long taim em bai in dai pinis.

3. Ritim Revelesen (Kamapim Tok Hait) na lukim olsem wanem bai God i kotim yumi olgeta.

4. Ritim 1 Jon 3:1-3 long lukim tingting bilong Kristen i narakain olgeta long tingting bilong wanpela husat i no Kristen.

5. Ritim 1 Korin 2:6-9. long kisim save long laip bilong Kristen long dispela graun.

Ol Askim:

1. Long dispela stori, bai yumi inap long lukim ol pren na famili taim yumi stap long heven?

2. Wanem kain tingting Kristen i mas gat long taim em bai in dai pinis na go long laip bilong oltaim oltaim?

3. Ritim Sam 139. Em i givim yu bel hevi o bel isi taim yu lukim God i save olgeta tingting na olgeta wok bilong yumi?

4. Bilong wanem i no olgeta man i sori long sin na tanim bel na kam long Jisas? Lukim tu Matyu 24:36-40.

5. Glori bilong heven em long wanem God i stap o nogat?

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

5. _____________________________________________________

_______________________________________________________

XII. Mi bilip long God i save givim yumi laip i stap oltaim oltaim. Tru. (Amen)

1. Ritim 2 Korin 5:1-6 long kisim sampela save long heven.

2. Ritim Revelesen sapta 22 na traim mekim piksa insait long tingting bilong yu, wanem samting bai i kamap taim yumi go long heven.

3. Ritim long Matyu 6:9-13 Jisas i tisim ol disaipel bilong em olsem wanem ol i mas beten.

4. Ritim long 2 Korin 1:18-20 na Revelesen 22:21-22 long lukim olsem wanem ol i usim "Amen."

Ol Askim:

1. Wanem kain tingting o pasin yumi mas i gat taim yumi tingting long ol samting yumi gat long dispela graun?

2. Olsem wanem bai dispela piksa bilong heven bai i senisim laip bilong yumi long dispela graun?

3. Long dispela beten long Matyu 6 Jisas i bin skulim ol, ol i mas mekim nem bilong Papa God i stap holi, na yumi mas bihainim laik bilong em. Dispela bai i helpim yumi save laip long heven?

4. Minin bilong dispela tok "Amen" em olsem "tru" Olsem yumi inap long lainim wanem long ol tok Jon i bin givim?

Ol Bekim:

1. _____________________________________________________

_______________________________________________________

2. _____________________________________________________

________________________________________________________

3. _____________________________________________________

_______________________________________________________

4. _____________________________________________________

_______________________________________________________

Olsem . . .

Yu stadim tok bilong God pinis na nau em gutpela long tingting long laip bilong yu yet. Jisas bai i amamas long laip bilong yu. 2 Timoti i tok, Tok bilong God i skulim yumi long planti samting tasol Jems 2:19 i tok em i no inap sapos yumi save tok bilong God tasol, nogat. Yumi mas bihainim.

Man i bihainim dispela rot taim em i kamap pikinini bilong God.

1. Yu wanpela man bilong sin. Ritim Luk 18:9-14; 2 Samuel sapta 11 na 12:1-13; Rom 3:10-12.

2. Bilip long Jisas. Ritim Efesus 2:1-9; Mak 16:16; na

John 20:24-28.

3. Tokim arapela olsem wanem Jisas i senisim yu na laip bilong yu i mus kamap olsem wanpela tok tenkyu long God. Ritim Matyu 10:32-33; Luk 23:39-43; Jems 2:26; Aisaia 6:8.

Ritim na tingting long dispela we na Baibel ves. Beten na tokim God yu sori long mekim sin, na askim Jisas i ken kamap Bikpela insait long laip bilong yu.

As Bilong Dispela Stadi

As bilong dispela liklik buk em bilong helpim manmeri i ken bung wantaim na stadim Buk Baibel, Long Matyu 18:19-20 i tok olsem, "Na mi tok moa long yupela. Sapos tupela bilong yupela hia long graun i wanbel long wanpela samting na yutupela i beten long kisim dispela samting, orait Papa bilong mi em i stap long heven em bai i givim long yutupela. Sapos tupela o tripela man i kam bung long nem bilong mi, orait mi yet mi stap namel long ol."

Em i orait sapos yu laik mekim kopi long dispela liklik buk. Sapos yu laik arapela kain tok raitim: Les Hendricks, c/o Christian Hope Association, 205 South BC Avenue, Suite #105, Lynden WA 98264, USA. Em bai traim helpim yu, na i no gat kost long yu. Larim "Wanpela tisim narapela" na "God Bikpela i ken kisim glori" i ken kamap gol bilong yumi.